• An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
Prins 2017-2018 Afdrukken E-mail

 

 

 Op ’t Prinsebal van zaoterdig 18 november inne zaal bie Frits van Tönke, in ’t 54ste laevesjaor van os blaw-gael vereniging, waerde door Vors Roel, mit goodvinge van de onwieze Raod van Ellef, os charmante Tanzmarieches Yoni en Denise, es ouch onger ’t alzeende oug van os Senatore, toet Prins Carnaval euver ‘t Vlorper Beerbokkeriek oetgerope en geproklameerd:

 

PRINS RICHARD I (Wolfhagen)


prins beerbuck 021

 

Richard is gebaore op 21 mei 1971 in Maerum, es inzigste zoon van ziene pap Dennis Wolfhagen baeter bekind es Dennis van Pie van Halsbraekershaof, en zien mam Mariet Heijkers, aftewaal Marietje van Chris de verkeshanjeleer. Toet zien 9de laevesjaor haet Richard oppe Hoofsjtraot in Maerum gewoond, naeve de Tosma, de frituur wo hae die 2 lange mit zalf (frikadelle mit mayo) ontdek haet! Vanoet Maerum is hae omsjtreeks 1980 mit zien elders verhoes nao de Breewaeg in ’t Riek vanne Kwekkerte in Linne.

 

Richard haet oppe basissjool gezaete in Maerum en Linne en is daonao nao de LTS in Maasbrach gegange. Op de LTS in Maasbrach hawwe ze al sjnel gezeen det Richard en techniek gein gooj combinasie waas. Omdet hae waal zien möndje bie zich haw, gove ze Richard ‘t advies om gebakke loch te gaon verkoupe. Dit advies haet d’r ter herte genomme en is hae nao de bekkersjool in Remung en zelfs Wageninge gegange, wo ze hem ’t bekkersambacht aangeleerd hebbe. Nao zien opleiding haet d’r es bekker gewirk bie bekker Mans in Mofert en bie bekker Nies in Ool. Echter det sjnachs wirke en vreug opsjtaon det sjting Richard op ein gegaeve moment zo taege, det d’r es “Fondsewerver” begosj is bie Bert van Engelen. Naodet hae de kneepkes van ’t vak bie Bert geleerd haw, is hae eige baas gewaore van Xtreme Reclame, ’t bedrief wat d’r toet op hede nag sjteeds runt.

 

Richard is al 20 jaor same mit Renate Giesen, ’t middelste zöster van ozze awt prins Robert III, en de jonges Carlo en Glen. Sinds ein paar jaor is hae ouch de trotse opa van de kleinkinger Do en Viën.

 

Richard haet altied waal get mit de carnaval gehad. In zien jeug is hae prins gewaes oppe legere sjool. Verder is hae Kantineprins gewaes bie de voetbalclub in Linne en in 2010 is hae same mit Marjan van Landeghem de Vlorper vastelaovend veurgegange es boerebroedspaar. Verder haet d’r dökker mit häöre vrunggroep onger de naam Good Fellows af Veur eine Keer aan de Grote Vlorper Optoch mit gedaon.  

 

Richard haet altied gaer gevoetbald, eers bie de voetbalclub in Linne maar ouch bie ’t roemruchte zaalvoetbalteam Pink Soda in Vlorp. Actief voetballe kin Richard helaas neet meer, daorom is hae toen besjtuurslid gewaore bie VVV en sinds inkele jaore bie fusieclub Oranje Blauw ’15, om zo tag bie ’t wel en wee van ’t voetbal betrokke te blieve. Waal duit d’r taegewoordig actief tennisse en geijt d’r geregeld op sjtap mit zien vrung om zich ein glaeske beer te drinke.

 

Moog ’t hem gegaeve zeen, om os ‘t ganse sezoen veur te gaon op de waeg van sjpas en plezeer, getroew aan zien prinselikke motto:

 

Veur ins in ’t laeve, gaon veer ’t same belaeve!

 

Gegaeve in Vlorp op de 18de november van ‘t jaor 2017.


 

Geteikend:        Awt-Prins Peter III          Vors Roel

                         Raod van Ellef                    Besjtuur                   

                         Adjudant Glenn                 Adjudant Robert      

                         Tanzmarieche Yoni            Tanzmarieche Denise