• An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
  • An Image Slideshow
Prins 2018-2019 Afdrukken E-mail

 

 

 Op ’t Prinsematinee gehawte op zondig 11 november inne zaal bie Frits van Tönke, in ’t 55ste laevesjaor van os blaw-gael vereniging, waerde door Vors Roel, mit goodvinge van de onwieze Raod van Ellef, os charmante Tanzmarieches Yoni en Denise, es ouch onger ’t alzeende oug van os Senatore, toet Prins Carnaval euver ‘t Vlorper Beerbokkeriek oetgerope en geproklameerd:

 

PRINS RALPH I (Biermans)


foto Ralph adjudanten

 

 

Ralph is gebaore op 29 juni 1978, es inzigste zoon van Igna van Lies van Sjtien van Bet van Ulte en Wiel van Biermans van Sjouwbergse Sef en Tiny van Jan van de Weijer en Margriet van Wolfhage. Verder is hae de broor van zien jongere zöster Marlou.

 

Zien eerste laevesjaore haet hae verbrach Tösje de Brögke, eers in ’t hoes wo Willem en Harold noe häör papegaajepelies aan ’t make zeen en daonao in ’t awwerlik hoes van zien vader Igna, ein paar deure verder, dao wo ziene ome Jo jaorelang mit zien blomeböl gezaete haet. Nao get omzjwervinge, woont hae noe oppe Bongerdsjtraot in det grote hoes aan ’t Sjmeetsplein!

 

Ralph haet in Vlorp de kleutersjool en de basissjool doorloupe. Vervolges is hae nao de Mavo en de MEAO in Remung gegange. Nao zien sjoolkarriejere is hae eers gaon wirke bie ziene naef Eduard van Pape, maar Ralph haw al sjnel door des se mit hoezer verkoupe get mekkeliker geld kosj verdene zonger zich al te meug te make! Dus de euversjtap nao de makelaardij van ziene pap in Ech waas sjnel gemaak. Nao ’t volge van get cursusse en ’t opdoon van de neudige praktijkervaring, is hae noe al heel get jäörkes makelaar/taxateur en haet d’r ziene pap intösje opgevolg.


 

Ralph is sinds omsjtreeks ’t Millenium same mit ‘t awt Tanzmarieche Mascha Sjmeets. Zie hebbe zich lere kinne mit oetgaon en nao eine tied is de vonk tösje häör euvergesjlage. Zie hebbe same 2 dochters, Nienke en Fleur, en sinds kort ouch eine femiliehond, Bo.

 

 

 

Ralph haet vanaaf zien jeug al get mit carnaval; zo is hae adjudant gewaes bie Prins Ron en Prinses Esther bie de Sjeutelinge, maar noe is ’t angersom! Ouch is d’r in zien puberjaore bie de Eerstelinge gewaes. Op 11 november 2000 haet d’r de euversjtap gemaak nao de Beerbök, en is hae toegetraoje toet de Raod van Ellef. Vervolges is hae in ’t besjtuur gekomme en is hae sinds 2010 veurzitter van os vereniging, net zo wie ziene ome, Jack van de Weijer zaliger, det jaorelang gewaes is. Binne de carnavalsvereniging is hae ein van de kertrikkers en haet d’r onger meer de Bonte Aovend en de Grote Optoch onger zien hoede.


Ralph haet altied hobbies gehad op ’t sjportieve vlak; zo haet d’r eerder altied aktief gevoetbald, getennis, gedart en zelfs gevösj, maar taegewoordig kiek d’r echter lever nao sjport! Verder hilt d’r der van om mit zien vrung op sjtap te gaon en ein glaeske beer, en later oppe aovend ein apparaetsje, te drinke.

 

 

Moog ’t hem gegaeve zeen, om os ‘t ganse jubeleumsezoen veur te gaon op de waeg van sjpas en plezeer, getroew aan zien prinselikke motto:

 

Druim, laef en lach, daag en nach!

 

Verkondigd in Vlorp op de 11de november van ‘t jaor 2018.


 

Geteikend:        Awt-Prins Richard I          Vors Roel

                         Raod van Ellef                    Besjtuur                   

                         Adjudant Roland                Adjudant Ron

                         Tanzmarieche Yoni            Tanzmarieche Denise